Nanny and the Beast

"Madam, ito na po si Zella, ang sinasabi ko sa inyo na papalit kay Venus." ani Nanay Helen sa amo niya. Andito kami ngayon sa mansyon ng pamilyang Hernandez.

Nagmamay-ari ng isang konpanya kung saan gumagawa sila ng mga sasakyang pang karera, pati na din mga luxury cars. Sikat na sikat ang Hernandez Cars sa buong bansa. Sila ang nangunguna sa larangan ng mga sasakyan. Kaya hindi maipagtataka kung bakit bilyonaryo ang pamilya nila.

"Welcome hija, come here. Sit down." anang babae na nasa mid 50s yata ang edad.

Sopistikada at kahit may edad na, maganda pa rin ang hubog ng katawan nito. Suot ay magarbong damit na nagsusumigaw ng karangyaan. Ngunit mayroong napaka among mukha. Naupo ako sa sofa at kaharap ko sya, habang katabi ko si nanay Helen.

"Magandang umaga po." bati ko kay madam.

"Zella iha, kamusta? Nag-aaral ka pa ba? Bakit ka mamamasukan bilang katulong? Wala sa itsura mo ang maging kasam-bahay lang iha." may lungkot sa mga mata na sabi ni madam Sonia.

Nagulat ako sa tanong nya. Ganito naman palagi pag nag-aaply ako ng trabaho. Half australian kasi ako, ang papa ko ang australian. Pero bago pa ako maipanganak naghiwalay na sila ni mama. Nakuha ko sa kanya ang gray eyes ko. Maputing balat at may freckles ako sa aking mga balikat pero hindi naman ganun kadami. Matangos din ang aking ilong, tama lang ang kilay at may mala hugis puso na mga labi na mamula-mula. Kahit anong bilad ko naman sa araw hindi ako nangingitim.

"Ahh... eh... sabi po kasi ni nanay Helen kailangan nyo daw po dito ng kasam-bahay. Nag-iipon po kasi ako para sa pang kolehiyo ko. Mahirap po kasing matanggap sa trabaho kong highschool pa lang ang natatapos." Tumango si madam.

"Wag po kayong mag-alala madam. Nasubaybayan ko ang paglaki ng batang ito bago namatay ang kanyang ina. Kaya masisiguro ko sa inyong mabait ito at mapagkakatiwalaan." ani nanay Helen.

"Naku naman, nay Helen hindi ka magiging mayordoma dito kung wala akong tiwala sayo. Kaya, kung sino man ang dalhin mo ay may tiwala na rin ako." ngisi ni madam at tumingin sakin.

"So iha, gusto mong makapag-aral ng kolehiyo hindi ba?" ani madam. Tumango ako.

"Sige, ako na ang bahala sa pang kolehiyo mo. Ipakita mo lang sakin na masipag ka sa trabaho, kahit anong kurso pa yan iha, ako ng bahala." ani madam na may malaking ngiti sa labi.

Talaga ngang mabait ang pamilyang Hernandez!

"Nay, iisa lang ba talaga ang anak nila madam Sonia at sir Darius? Ang laki ng mansyon nila, tapos wala pa dito ang nag-iisa nilang anak." tanong ko kay nay Helen habang naghuhugas ako ng pinggan.

"Ay, oo Zella. May PCOS kasi noon si madam kaya matagal bago sya nabuntis. At noong nabuntis siya, sobrang hirap nag dinanas niya. Kaya nakapag desisyon ang mag-asawa na tama na ang isa nilang anak. Total eh lalaki naman ito, si Taiden na lang daw ang bahalang magpakalat ng apelyedo nila." aniya habang nagtitimpla ng kape.

Ganun pala yun. Pero bakit sa mahigit isang taon ko dito ay hindi man lang umuwi ang anak nilang si sir Taiden? Napatanong ako kay nay Helen.

"Eh, bakit hindi ni minsan man lang umuwi si sir Taiden nay? Hindi ba nya nami-miss sila madam at sir? Ang lungkot kaya nun. Sya lang naman mag-isa. Samahan pa nitong bahay na sobrang laki." sabi ko. Ngumisi si nanay Helen at nagtaka ako.

"Matigas kasi ang ulo nitong si Taiden iha, palaging napapatawag sa school sila madam noong nag-aaral pa yun dito ng elementarya. Kaya pinadala nila sa amerika. Siguro ay huling taon nya na ngayon sa kolehiyo kung hindi ako nagkakamali." ani nanay helen habang humihigop ng kape. Kaya pala.

Basagulero naman pala. Kawawa naman sila madam. Kung ako ang naging anak mayaman. Talagang magpapakabait ako. Hindi ko bibigyan ng sakit sa ulo ang mga magulang ko. Nasa pangalawang taon nako sa kolehiyo. Tourism ang kurso ko dahil gusto kong maging flight attendant. Ito na talaga ang pangarap ko noon pa lang. Dahil pangarap ko noong magpunta sa australia para hanapin si papa.

Kung hindi pa ako nakapag trabaho dito, baka teacher ang kinuha ko. Kasi di hamak na mas mahal ang FA kesa maging guro. Buti na lang talaga at sobrang bait ng mag-asawang Hernandez. Ni minsan ay hindi ako napagalitan.

Maayos ko naman kasing ginagawa ang trabaho ko. Ang swerte ko nga eh, may taga hatid sundo pa sakin sa school! At private school pa talaga ako pinag-aral ni madam.

Oh di ba bongga?

"Ito na po ang tea nyo madam." sabi ko. Nasa opisina si madam dito sa bahay nila at may binabasa na papeles.

"Thanks Zella, iha." sabay tikim nya sa tea nya. Napaangat ito ng tingin sakin. "Kamusta ang pag-aaral mo iha?" ani madam.

Well madam, good grades pa din as usual. Matalino kaya 'to.

"Mabuti naman po madam at deans list pa din po ako." taas noo kong sinabi. Ngumisi si madam.

"Very good iha, ipagpatuloy mo lang yan. Alam kong maaabot mo ang pangarap mo. Hindi nako makapaghintay na balang araw, sasakay kami ni Darius sa eroplano at ikaw ang flight attendant namin." ani madam na nakangiti padin.

Minsan nami-miss ko si mama dahil sa sobrang kabaitan ni madam. Ganitong ganito din si mama sakin. Kung sana lang hindi sya nagkasakit. Sana ay buhay pa sya ngayon. At sana din ay maisasakay ko sya sa eroplanong pagta trabahuan ko. Si papa kaya, kamusta na kaya sya ngayon. Buhay pa kaya sya?

"Flowers por you beybi." ani Anjo Hardinero ng kalapit mansyon namin si Anjo.

Ito na naman at nanliligaw. Payatot si Anjo at moreno. Parang isang ubo na lang yata ay ikamamatay na nya sa sobrang payat nya. Ewan ko ba kong pinapakain pa 'to ng amo nya. Mukha kasing ngangat-ngatin na sya ng aso pag nakita sya.

Tinanggap ko naman ang dala nyang tatlong piraso ng rosas na pula.

"Salamat... baka kay maam Sofiya 'to ha! Lagot ka naman sa manliligaw no'n pag nalamang kumuha ka nanaman ng bulaklak galing sa mga dala ng manliligaw nya."

Palagi nya kasi 'tong ginagawa. Minsan pa nga may dala syang chocolates, akala ko binili nya. Yun pala galing sa manliligaw ni Sofiya. At nung hinanap na ni Sofiya para kainin. Wala na. Nasa akin na eh. Imported ba naman yun.

Napangisi naman sya. Halos makita ko na ang gilagid nya sa sobrang lapad ng ngisi nya.

"Naku hindi ah... galing sa garden yan. Ako mismo ang nagtanim nyan at nag-alaga." aniya. Malamang, hardinero ka eh.

"Hindi mo pa ba ako sasagutin beyb?" ani Anjo na naka puppy eyes pa.

Nakakakilabot syang tingnan. Kung bakit ba naman kasi malaki ang mga mata ng lalaking 'to! Kulang na lang lumuwa ito! Pero aminado naman ako na sobrang bait nito. Kahit na wala sa itsura.

"Anjo, diba nga sabi ko sayo, ayoko munang mag boyfriend. Magtatapos pa ako. Ayoko ng distraction. May grades akong inaalagaan."

Kumunot ang noo nya na parang hindi ako naintindihan.

"Zella beyb, i been wayting por you all my life, noong hardinero lang ako nanligaw na ako sayo. Pero ngayon driver na rin ako. Nag improve na ako Zella beyb, pero puso mo hindi pa rin nagi-improve," pailing-iling niyang sabi.

My God! Sasakit ulo ko dito kay Anjo sa sobrang kulit.

"Uy Zella! nakita mo na ang bulletin board?" ani Suzie na bestfriend ko.

"Hindi...bakit ?" "Ikaw ulit ang Top 1 student! My gosh, titirik na naman ang mata ni Sofiya sa inggit sayo." sabay tawa nya.

Kaklase ko kasi si Sofiya. Simula noong first year college pa 'ko ay kumukulo na ang dugo nya sakin. Hindi ko naman alam ang dahilan. Kaya umiiwas talaga ako sa kanya at sa kaibigan nyang si Georgina.

"Baka naman kasi inakit ang mga prof natin, kaya top 1 ulit."

Inirapan ako ni Sofiya. Nasa room na namin kami ngayon habang hihintay ang prof namin para sa last subject namin.

"Bigyan mo 'ko ng dahilan kung bakit hindi ko pa 'to pinapa salvage sa daddy ko yang babaeng yan." giit ni Suzie.

Balita ko kasi drug lord daw ang daddy nya. Yun kasi ang chismis. Pero ayoko naman siyang tanungin. Wala naman kasi sa itsura ng daddy nya na maging drug lord. Tumawa ako at di ko rin pinansin pa si Sofiya na animo'y puputok na ang ugat sa noo sa sobrang galit.

Pagdating ko sa bahay, nagtaka ako nang pagbaba ko ng sasakyan kasama si Manong Jojo ay may limang nakaparadang luxury cars sa labas ng mansyon. Hula ko, baka may mga bisita sila Madam. Kaya nagmadali akong pumasok sa mansyon at nang makatulong kila Nay Helen.

Pagpasok ko sa sala, agad napabaling sa akin ang tingin ng 6 na mga lalaki. Andun din si Madam at si sir kasama si Nanay Helen. Tiningnan ko isa-isa ang mukha ng mga binatang lalaki na hula ko ay hindi kami magkalayo ng edad. Walang tapon! Ulam lahat! Pero nangingibaw ang isang lalaking katabi ni Madam na mariing naka titig sakin.

"Oh iha, narito ka na. Halika ipapakilala kita sa mga kaibigan ni Taiden." ani madam na sumalubong sakin at hinawakan ako sa kamay patungo sa harapn ng mga lalaking nakaupo.

"Boys, this is Zella. She's my working student." ani madam. Napa "woah" naman ng sabay-sabay ang limang lalaki bukod sa isang lalaking nasa gilid ko, na alam kong nakatitig pa rin sa'kin.

"Tita are you kidding? Jesus she's... she's drop dead gorgeous! Damn!." anang lalaki sa harapan ko.

"Elton.. language please..." ani madam. "You're all off limits to Zella. Nag-aaral sya para maging FA. Bawal muna syang ligawan. Ayokong ma distract sya baka kayo pa ang maging dahilan ng pag bagsak nitong si Zella, makakatikim kayo sakin..." giit ni madam.

Nakakataba naman talaga ng puso itong si madam. Kaya malaki talaga ang utang na loob ko sa pamilyang ito.

"Grabe, flight attendant pa talaga. Siguro ang dami mong manliligaw.." ngisi nya.

"By the way, I'm Elton.." sabay lahad ng kamay nya at kindat sakin. Nagpakilala sa akin ang lahat. Mabuti na lang at nakabisado ko agad ang mga pangalan nila. Dahil sigurado akong palagi sila dito. Kaya kailangan kong tandaan ang mga pangalan nila.

"Hijo meet Zella, please be nice to her." ani madam sa lalaking nasa gilid ko.

Tiningnan ko sya sa mga mata. Kulay hazel brown ang mga mata nya. Makapal ang kilay at mas matangos pa sa ilong ko ang ilong nya! Namana nya sigurado 'to kay sir Darius. Clean cut ang kanyang buhok na may straight line sa left side nito. Sobrang astig tingnan! Samahan mo pa ng jaw line nya na sobrang ganda ng pagkaka hubog, parang ang sarap haplusin nito. At may cross earing sya sa left ear nya.

Ang gwapo ng anak ni madam! Ni minsan sa school wala pa akong nakitang ganito ka gwapo. God! Siguro mabait din naman 'to. Baka nagbago na ang ugali nito sa amerika. Habang pinupuri ko sya sa isip ko tumaas ang isang kilay nya. At nagsalita.

"Why would I be nice to.. her?" ani Taiden.

Gago nga. Hindi man lang nag-abot ng kamay kagaya ng mga kaibigan nya. Tapos ganito pa ang isasagot nya? Tumaas yatang bigla ang dugo ko papunta sa ulo ko. Sa sobrang inis!

"Taiden..." ani sir Darius.

"Okay fine..." tipid nyang sabi.

Pagkatapos ng pakikipag kilala kanina ay dumiretso na ako sa kwarto at nagbihis. Tutulungan ko pa sila ni Nay Helen sa kusina. Dito kasi magdi-dinner ang mga kaibigan ni Taiden.

"God! Dude, did you see your nanny? She's so hot and gorgeous! Pasensya na, pero mukhang masusuway ko si Tita Sonia," ani Macsen.

Narinig ko sila, galing sa paghatid ko ng inumin nila. Tapos na kasi kaming maghapunan. At sa may pool side sila tumambay at nag inuman. Patuloy na sana ako sa paglalakad ko papuntang kusina nang may nagsalita.

"She's so plain," anang nagsalita, si Taiden yun!

Plain? Ako? Ang dami kayang humahanga sa akin sa school dahil kahit minalas ako sa buhay, pinagpala naman ako sa mukha at katawan. Mabilog at malulusog ang mga dibdib ko, saktong sakto lang...cup C. At aminado rin ako sa pwet kong maipagmamalaki rin. Sobrang flat din ng tiyan ko. Animo'y walang laman palagi.

Malakas naman ako kumain. At hindi rin ako nag ge-gym! Just blessings. Nakinig pa ako sa usapan. Nakatago ako sa glass sliding door. Mayro'n namang kurtina kaya hindi ako kita.

"I wanna fuck her 'till she can't walk," ani Dale.

Napaka manyak pala ng mga gagong 'to!

"Agree ako riyan... pero mukha siyang inosente. Virgin pa kaya yun?" ani Elton. Nagtawanan sila.

"Obviously, she's not," sabat ni Taiden.

Aba!

Aba!

Hinahamon nya ba 'ko? Ipatikim ko pa sa kanya ka birhenan ko eh! Pero joke lang. Importante sa'kin 'to. Ayokong ipamigay 'to kahit kanino lang. At kahit gaano pa siya ka gwapo, hindi ko isusuko ang bataan at katandaan!

Nanggagalaiti akong bumalik sa kusina at hindi na nakinig pa sa usapan ng mga unggoy. Baka pumutok lang ang ugat sa ulo ko sa sobrang pagka inis. Ang babastos ng mga bibig. Hindi man lang ako ni respeto. Talaga ngang barkada ng unggoy na Taiden ang mga iyon. Ka pareho niyang masama ang buga ng bibig.

Kinabukasan, araw ng Sabado, walang pasok, maaga akong nagising at naligo para tumulong sa kusina. Nilinis ko rin ang kalat sa may pool side, gawa ng mga unggoy na nag inuman. Dito pa talaga sila natulog.

Ka galing.

Kaya nang matapos na ang pagluluto ng cook sa agahan, ay nautusan ako ni Madam na gisingin ang mga unggoy kasama ang gorilla na si Taiden. Kinatok ko ang pintuan ni Taiden at tinawag ang pangalan niya.

Gorilla, gising na! Sarap sanang sabihin. Naiinis pa rin ako.

"Taiden...hoy! Gising na, ready na ang breakfast." sabay katok ko ulit.

Pero wala talagang sumasagot. Kinatok ko ulit. Wala pa rin. Kaya nagpasya na akong buksan ito. Dahan dahan kong binuksan ang pinto at nanlaki ang mata ko sa aking nakita! Uminit ang pisngi ko, at parang lumayas sa katawan ko ang kaluluwa ko sa aking nakikita.

Hindi ako makahanap ng salita at nanuyo ang lalamunan ko! Dahil hindi ko maintindihan ang nararamdam ko at hindi ko siya kayang gisingin, nag desisyon akong tumalikod at lumabas ulit. Bahala na siya kong hindi siya makapag agahan. Nang biglang may nagsalita.

"Elton was right then, you're a virgin," sabi ni Taiden sa isang husky na boses.

Sobrang sexy ng pagkasabi nya. Hindi ko alam na sa simpleng mga salitang 'yon ay magagamit ko ang salitang sexy!