Tahimik lang si Beth at walang kaibigan. Halos lahat ng estudyante sa university na pinapasukan niya ay binu-bully siya. And his number one bully was no other than his oh-so-hot neighbor, Kian. One day, she found herself in a dreadful situation. She was stock between, being Kian's woman or her scandal will be expose. Days later, they are suddenly. . . married
Chapter 1 Crush
THIRD PERSON'S POV
Hindi mapakali si Beth habang panaka-nakang sinusulyapan ang bawat kaklase niya na abala sa paggawa
ng kanilang science experiment.
Muli na naman niyang hinalungkat ang laman ng kaniyang bag, kahit katatapos lang niyang suyurin ang
bawat bulsa nito. Nilabas niya ang lahat ng laman ng kaniyang bag, mula sa mga notebook ay inisa-isa at
mabusisi niya itong tinignan. Lahat ng pahina ay matiyaga at inisa-isa niyang buklatin. Pero natapos na
niyang buklatin ang lahat ng walong notebook niya ay hindi pa din nito makita ang hinahanap.
Napabuntong hininga siya. Nakaupo lang naman siya pero daig pa niya ang nag- PE class dahil sa pagod
na nararamdaman niya ngayon habang sinusuyod ang laman ng bag. Maging ang kaniyang utak ay pagod
na din.
Sunod naman niyang tinignan ay ang mga libro niya. Kahit pa imposibleng naiipit niya roon ay tinignan
pa din niyang mabuti. Napakamot siya ng ulo. Nakakaramdam na siya ng pagkayamot.
Bumuntong hininga siya. Malakas at mabilis ang tahip ng kaniyang puso at namamawis din ang kaniyang
mga palad. Pakiramdam niya ay binabaliktad ang kaniyang sikmura dahil sa pangamba na
nararamdaman at prustrasyon na lumulukob sa kaniya. Malapit nang mag-uwian kaya dapat mahanap
na niya 'yon.
Nasaan ka na ba? tanong niya sa isip habang pilit inaalala ang mga ginawa at maging ang pinuntahan
niya sa buong maghapon sa eskwelahan. Nakaramdam na siya ng labis na pangamba. Paano kung may
nakapulot na pala?
Sa panghuling subject nila ng hapon na iyon ay halos wala na siyang naisaulo.
Sa murang edad ay abala ang kaniyang utak na mag-imagine ng iba't ibang nakakatakot na senaryo.
Hindi ito isang normal na araw para sa isang batang babae na kagaya niya.
Ang normal na araw para sa kaniya ay ang pagmasdan ng lihim si Kian. Si Kian na pinakaguwapong lalake
sa buong eskwelahan nila. Mula nang nag-transfer ang batang lalake sa kanilang eskwelahan noong nasa
ika-apat na baitang pa lang sila ay hindi na ito mawala sa kaniyang isip. Maging ang kaniyang panaginip
ay sinakop na nito.
Siya ang kaniyang unang crush. Puppy love kung tawagin.
Bahagya pa siyang nagulat ng tumunog ang bell. Sa lalim ng kaniyang iniisip ay hindi na niya namalayan
na tapos na ang klase nila. Paalis na ng classroom ang teacher nila. Ang mga kaklase niya ay kaniya-
kaniya ng inaayos ang kanilang mga bags.
Walang gana niyang inayos ang mga gamit sa loob ng kaniyang bag. Nang matapos ay muli niyang
pinasadahan ng tingin ang bawat sulok ng kanilang classroom.
Mukhang naiwala niya. Umaasa siya na sana ay nasa bahay lang nila iyon. Nasa kuwarto niya at hindi nawawala na gaya ng pinapangambahan niya ngayon.
Nakasabay niya sa paglabas ng classroom si Kian. Bahagya siyang sinulayapan ng lalake at tipid na
nginitian. Sa isang iglap ay nawala ang bigat na dala-dala niya. Isang ngiti lang ng crush niya ay napawi na
ang kanina'y labis na pangamba. Pansamantala niyang nakalimutan ang dahilan ng pagkabalisa niya.
Nagtaka siya nang pagdating niya sa gate ng school nila at hindi makita ang kaniyang ama na araw-araw
ay sumusundo sa kaniya tuwing uwian.
"Beth, sumabay ka na sa amin pauwi. Pinakisuyo ka sa akin ng Papa mo," sabi ng daddy ni Kian.
Napangiti si Beth at mabilis na tumango-tango. Magkatapat lang ang bahay nila nina Kian kaya hindi
naman abala sa kanila kung isabay nila ang batang babae sa pag-uwi.
"Tabi na kayo ni Kian sa passenger seat," sabi ng ama ni Kian. Lumundag sa tuwa ang puso ni Beth. Hindi
lang niya makakasabay sa pag-uwi si Kian kundi makakatabi pa niya ito ng upuan. Kung sinuswerte ka
nga naman. Kahit hindi na ako sunduin araw-araw ni Papa, ayos lang, ani sa kaniyang isip habang pigil
ang sarili na mapahagikgik dahil sa kapilayahang naiisip niya.
Inalalayan siya ng ama ni Kian sa pagpasok sa loob ng sasakyan. Nilagay sa trunk ang kaniyang trolley
bag bago pumasok sa sasakyan at simulang mag-drive.
Magkatabi sila ni Kian na ngayon ay may nakasalpak na head phone sa tenga. Naka-full volume ang
pinapakinggan dahil dinig din niya ang musika.
May ilang pulgada ang pagitan nila. Kilig ang nararamdaman ni Beth sa loob-loob niya. Nakabuti pa ang
hindi pagsundo sa kaniya ng ama.
Napansin niyang nagtanggal si Kian ng headphone. Sinulyapan siya at ginawaran ng tipid na ngiti.
Lumundag ang puso niya. Namula ang kaniyang mukha at napatungo dahil nakaramdam ng pagkailang.
May kinalkal si Kian sa loob ng kaniyang bag. Nilabas niya roon ang dalawang piraso ng chocolate bar.
Ngumiti ang binatilyo sa kaniya bago inumang ang chocolate bar.
Mangha at hindi agad nakakilos si Beth.
Binibigyan niya ako ng chocolate? Tanong niya sa kaniyang isipan. Tila himala ang nangyari.
Agad niyang inabot ang chocolate na binibigay sa kaniya ni Kian. Ngumiti siya at nagpasalamat.
Tumango lang si Kian sa kaniya.
Pagkatapos no'n ay nagsuot ulit ng headphone si Kian. At siya naman ay kulang na lang yakapin ang
dalawang chocolate bar na hawak sa kamay.
Lingid sa kaniyang pansin ay paminsan-minsan, sinusulyapan siya ni Kian. Pigil nito ang ngiti dahil sa inaasta ni Beth. She's so cute, puri niya na hindi na ginawa pang isatinig.
Chapter 1 Crush
29/03/2022
Chapter 2 Love Letter
29/03/2022
Chapter 3 My woman
29/03/2022
Chapter 4 Hot kisses
29/03/2022
Chapter 5 Found out
29/03/2022
Chapter 6 Married
29/03/2022
Chapter 7 Husband and Wife
29/03/2022
Chapter 8 I want you
29/03/2022
Chapter 9 Wedding ring
29/03/2022
Chapter 10 Lied
29/03/2022
Chapter 11 Worried
30/03/2022
Chapter 12 Not okay
30/03/2022
Chapter 13 Flirt
30/03/2022
Chapter 14 Other woman
30/03/2022
Chapter 15 Hurt
30/03/2022
Chapter 16 Annulment
30/03/2022
Chapter 17 Goodbye
30/03/2022
Chapter 18 Choose her
30/03/2022
Chapter 19 Girlfriend
30/03/2022
Chapter 20 Questions
30/03/2022
Chapter 21 Regrets
30/03/2022
Chapter 22 Second chance
30/03/2022
Chapter 23 Make love
30/03/2022
Chapter 24 Marry me
30/03/2022
Chapter 25 Epilogue
30/03/2022
Other books by Shynnbee
More